Thibaut Courtois markvörður Chelsea segir að hjarta sitt sé í Madríd en þar bjó hann þegar hann lék með Atletico Madrid.

Courtois hefur rætt við Chelsea um nýjan samning og nánast allar líkur á að hann framlengi samning sinn á næstu vikum.

Hann hefur hins vegar mikið verið orðaður við Real Madrid og þær sögur fara hátt.

,,Það vita allir tengsl mín við Madríd, börnin mín tvö búa þar með mömmu sinni,“ sagði Courtois.

,,Ég tala á Facetime við dóttur mína á hverum degi, hún er alltaf að segja mér að hún sakni mín. Sonur minn er of ungur til að tala við mig á þann máta. Ég fer þangað þegar ég get, það er oft erfitt.“

,,Hjarta mitt er í Madríd, það skilja flestir.“