Kattspyrnusamband Íslands, KSÍ fékk 2,5 milljónir evra að launum frá UEFA fyrir sigurinn á Englendingum í gærkvöldi. En það eru 345 milljónir króna. Áður hafði sambandið fengið 1,5 milljónir evra eða 205 milljónir króna fyrir að komast í 16 liða úrslitin.
Hluti af upphæðinni rennur til leikmanna Íslenska landsliðsins, en samningur KSÍ við leikmannahópinn um árangursgreiðslur er trúnaðarmál. Heimildir herma þó að leikmenn fái frá helmingi fjárhæðarinnar til tveggja þriðju hluta hennar. Þetta kemur fram í Viðskiptablaðinu í dag.
Þar er jafnframt greint frá því að fyrir sigurinn á liði Englands í gær hafi leikmenn og þjálfarar fengið um 230 milljónir króna í sinn hlut. Það jafngildir tæplega 10 milljónum á mann.
Fyrir sigurinn á Englandi í gær fá leikmenn og þjálfarar því um 230 milljónir króna í sinn hlut, eða tæplega tíu milljónir króna á mann. Fjárhagslegur ávinningur leikmanna íslenska landsliðsins er því orðinn um 18 milljónir króna.
Ef Ísland sigrar Frakka á sunnudaginn fær KSÍ 550 milljónir króna frá UEFA og hver leikmaður fær um 15 milljónir króna í sinn hlut.