Bílstjórinn sem ók bresku hljómsveitinni Viola Beach frá tónleikum þeirra í Svíþjóð í síðasta mánuði er sagður hafa valdið slysinu, sem varð til þess að allir meðlimir hljómsveitarinnar létu lífið.

Frá þessu er greint í Aftonbladet en þar er haft eftir Lars Berglund, yfirmanni rannsóknardeildar lögreglunnar, sem segir að ekkert bendi til þess að utanaðkomandi áhrif hafi ollið slysinu.

„Það lítur út fyrir að bílstjórinn hafi gert þetta af ásettu ráði,“ segir Berglund í samtali við Aftonbladet.

Eins og greint hefur verið frá var hljómsveitin nýbúin að halda sína fyrstu tónleika í tónleikaferðalagi hennar um Evrópu þegar að slysið varð. Bifreiðinni var þá ekið fram af brú á þjóðvegi nálægt Stokkhólmi með þeim afleiðingum að allir í bifreiðinni létu lífið.

Í bifreiðinni voru, ásamt bílstjóranum, allir fjórir meðlimir Viola Beach og umboðsmaður þeirra.

Samkvæmt lögreglunni í Svíþjóð var bílstjórinn, sem ekki hefur verið nafngreindur, hvorki undir áhrifum áfengið né fíkniefna þegar að hann ók bifreiðinni fram af brúnni.