Systurnar tóku þátt í keppni þar sem þær voru valdar til að sitja fyrir á hinu fræga dagatali Playboy. Í kjölfarið bauð Hefner þeim í þá frægu, nú alræmdu, Playboy-höllina.
Árið 2022 stigu þær fram og lýstu kynferðisofbeldinu sem þær sögðu Hefner hafa beitt þær á nítján ára afmælisdaginn þeirra.
„Fyrst ýtti hann höfði okkar virkilega fast niður að lim sínum svo við neyddumst til að veita honum munngælur,“ sagði Karissa og systir hennar, Kristina, bætti við: „Við höfðum aldrei farið í trekant áður saman og langaði ekki til þess. Reyndu svo að ímynda hvernig skjálfandi og gömul hönd hans snertir brjóstið þitt. Þetta er eins og að stunda kynlíf með afa sínum.“
Systurnar, sem eru 35 ára í dag, hafa síðustu ár haldið sig frá sviðsljósinu en segja frá upplifun sinni og árunum eftir að þær yfirgáfu Playboy-höllina í nýju viðtali hjá People.
Þær sögðu að tíminn með Hugh Hefner hafi markað djúp spor. „Þetta alveg eyðilagði okkur,“ sagði Karissa. Hún sagði einnig að þetta hafi reynt á trú þeirra, en þær eru báðar kristnar.
„Trú okkar á Jesús varð stórt vandamál, og að tapa því var mikið áfall.“
Systurnar rifja upp þegar þær ákváðu að flytja úr höllinni. „Við vissum ekki hvert við ættum að fara, þannig við ákváðum að yfirgefa Los Angeles og fara aftur á æskuslóðir. Við seldum snyrtistofuna sem við áttum á þeim tíma og sögðum: „Drullum okkur héðan og lifum einföldu lífi. Byrjum að ná bata.““
Þær fluttu fyrst til Las Vegas en síðan til Ann Arbor í Michigan, til að „finna út hver við erum og bara vera sjálfselskar, reyna að lifa eðlilega.“
„Mér líður eins og að við byrjuðum loksins að þroskast. Við erum ennþá skemmtilegu tvíburarnir sem voru í Playboy, en við hugsum um aðra hluti núna. Við borðum lífrænt, allt sem við borðum er lífrænt,“ sögðu þær.
„Playboy mun alltaf vera hluti af okkar lífi. Við vorum aðdáendur Playboy og erum það ennþá. Þó þetta var mikið áfall fyrir okkur, þá voru líka góðir tímar inn á milli.“
