12 ára drengur að nafni Zac Howells bjargaði lífi sínu og lífi móður sinnar í kjölfar þess að það leið undir móður hans er hún sat undir stýri á bíl sínum.

Atvikið gerðist síðastliðinn laugardag á þjóðvegi í Suður-Wales. Hin 37 ára gamla Nicola fann skyndilega til mikils slappleika og missti meðvitund í kjölfarið. Á meðan var hægri fótur hennar á bensíngjöfinni og jók hraðann, fór upp í yfir 96 km/klst.

„Það síðasta sem ég man var að vörubíll keyrði framhjá okkur. Síðan leið yfir mig áður en ég náði að setja bílinn í kyrrstöðustillingu,“ sagði Nicola við fréttaveituna Metro.

Það var þá sem Zac greip inn í. Honum tókst að ná tökum á stýrishjólinu og stýra bílnum út af veginum, inn á graslendi þar sem hægðist á honum. Drengnum tókst líka að hringja í neyðarlínuna.

Zac litli segir: „Ég var virkilega hræddur en ég vissi að ég varð að gera eitthvað.“ Honum tókst líka að ýta á stop-hnappinn og slökkva á vélinni.

Nicola var meðvitundarlaus í átta mínútur og þegar hún mundi eftir sér næst sá hún blá blikkandi ljós viðbragðsaðilanna.

Hún segir ótrúlegt hvað sonur hann var yfirvegaður við þessar aðstæður. Það væri með ólíkindum hvað hann hefði verið fljótur að hugsa.

Orsök þess að það leið yfir Nicolu var sú að hún var með of lágan blóðþrýsting. Hún þarf að gangast undir skoðanir hjá hjartalækni áður en hún getur sest undir stýri á ný.

Lögreglan í West Mercia í Wales hefur boðið Zac í heimsókn í höfuðstöðvar sínar þar sem honum verður veitt heiðursmerki fyrir hugrekkið sem hann sýndi.

Sjá nánar um málið hér.