Chrissy Teigen, matardrottning og fyrrum fyrirsæta, greindi frá því á gamansaman hátt hvernig hún missti tönn í jólaleik sem „fór úrskeiðis“.

Á Instagram Story sýndi Teigen fylgjendum sínum hvernig hún og börnin hennar voru að„rækta“ brjóstsykurstöngla (e. Candy canes).

Í myndbandinu voru dæturnar Luna, níu ára, og Esti, tveggja ára, ásamt sonunum Miles, sjö ára, og Wren, tveggja ára, að setja mold í litla blómapotta og vökva.. Eftir að börnin hennar voru farin að sofa opnaði Teigen laumulega poka af litlum sælgætisstöngum og setti í pottana svo börnin gætu fundið þá næsta morgun. Eftir því sem dagarnir liðu skipti hún sælgætisstöngunum út fyrir stærri.

En eitt kvöld reyndi Teigen að opna „einn af þessum vondu strákum, og tönnin datt úr henni.„Þetta er það sem mömmur gera fyrir börnin sín, svo þau haldi að þau hafi ræktað sælgætisstangir. Ég er bara að reyna að skapa töfra. Núna er ég tannlaus.“

Teigen hafði ekki tíma til að fara til tannlæknis fyrir hátíðartónleika í skóla barnanna. Daginn eftir tók hún upp myndband þegar hún ók á viðburðinn og sat í salnum ásamt öðrum foreldrum.

Teigen notaði andlitsgrímu á tónleikunum, en gerði samt áfram óspart grín að atvikinu.

„Gleðilega jólagjöf frá fjölskyldu okkar til ykkar!!!!!!!“ skrifaði hún við myndskeiðið.