Barack Obama, fyrrverandi Bandaríkjaforseti, og eiginkona hans Michelle áttu að hitta leikstjórann Rob Reiner og eiginkonu hans Michele kvöldið örlagaríka þegar þau voru myrt. Sonur Reiner hjónanna hefur verið handtekinn og ákærður fyrir morðið.
Michelle greindi frá þessu í viðtali á dögunum hjá Jimmy Kimmel en Obama og Reiner hjónin voru miklir vinir. Að hennar sögn áttu Obama hjónin að hitta Reiner hjónin á heimili þeirra síðarnefndu í Los Angeles þetta kvöld.
„Við höfðum þekkt þau í mörg, mörg ár og við áttum að hitta þau þetta kvöld,“ sagði Michelle og vottaði aðstandendum þeirra samúðar.
Rob Reiner var mjög frjálslyndur og virkur í pólitísku starfi. Hann gerði einnig nokkrar pólitískar kvikmyndir seint á sínum leikstjóraferli. Meðal annars kvikmynd um forsetann Lyndon B. Johnson.
Sonur Reiner hjónanna, hinn 32 ára gamli Nick Reiner, hefur verið ákærður fyrir morðið. Donald Trump forseti hefur valdið mikilli hneykslan fyrir fyrirlitleg ummæli sín um morðið. Meðal annars hefur hann verið gagnrýndur af eigin flokkssystkinum.
„Ég ætla bara að segja þetta, ólíkt sumu fólki, þá voru Rob og Michele eitt besta og hugrakkasta fólk sem hægt var að kynnast,“ sagði Michelle Obama í viðtalinu.
