Tveir karlar og ein kona voru á föstudag í Héraðsdómi Reykjavíkur úrskurðuð í tveggja vikna gæsluvarðhald, eða til 2. janúar,  að kröfu Lögreglunnar á höfuðborgarsvæðinu, í þágu rannsóknar hennar á auðgunarbrotum.

Þetta kemur fram í tilkynningu frá Lögreglunni á höfuðborgarsvæðinu. Hin grunuðu eru erlendir ríkisborgarar á þrítugs- og fertugsaldri. Voru þau handtekin á fimmtudag, grunuð um fjölda brota sem beindust gegn öldruðu fólki og varða háar fjárhæðir.

Fólkið  kom til Íslands í byrjun vikunnar, en talið er að tilgangur ferðarinnar hafi verið að stunda brotastarfsemi hérlendis.