Ruben Amorim, knattspyrnustjóri Manchester United, segir að ekkert megi lesa í árangur Crystal Palace undir Oliver Glasner þrátt fyrir að bæði lið spili með 3-4-2-1 kerfi.
Aðspurður hvort velgengni Palace í enska boltanum gæfi honum hvatningu svaraði Amorim.
„Við spilum á allt annan hátt. Þú sérð það á tölfræðinni. Það er erfitt að útskýra allt. Þetta er einfaldlega annað félag og þeir eru að gera hlutina betur en við. Það er mjög einfalt,“ segir Amorim.
„Þú myndir ekki segja að öll lið sem spila 4-3-3 spili eins. Við spilum á öðrum stöðum vallarins, við verjum á annan hátt og sækjum á annan hátt.
„Þeir eru bara að gera hlutina betur en við núna.“
