Faðir Khloé var lögfræðingurinn Robert Kardashian. Hann lést árið 2003. Hann var einn af lögfræðingum O.J. Simpson í hinu fræga dómsmáli þar sem Simpson var ákærður fyrir morðin á Nicole Brown Simpson og Ron Goldman. Hann var sýknaður en sakleysi hans hefur verið mjög umdeilt í gegnum árin. Simpson lést í fyrra.
Í mörg ár hefur verið hávær orðrómur um að Robert Kardashian sé ekki faðir Khloé og þess vegna sé hún ólík systrum sínum, Kim og Kourtney.
Í fyrra greindi Kim frá því að hún væri nafnlausi kaupandinn sem keypti biblíuna sem Robert Kardashian gaf O.J. Simpson af dánarbúi þess síðarnefnda á tíu milljónir. Þær ræddu þetta í nýjasta þætti af The Kardashian.
„Þvílíkir fávitar að hafa ekki bara gefið okkur hana,“ sagði Khloé og var þá að tala um að Kim bauð upphaflega tæplega tvær milljónir fyrir biblíuna en því var neitað.
„Það er sannað að hann er pabbi okkar,“ sagði hún.
„Það er samt spurning hvor þeirra,“ grínaðist þá Kim.
„Báðir eru pabbar mínir, gefið mér hana,“ sagði þá Khloé hlæjandi.
Robert Kardashian gaf O.J. biblíuna og skrifaði sjálfur dagsetninguna, þann 18. júní árið 1994, sex dögum eftir morðin. Kim gaf síðan Khloé bókina í afmælisgjöf.
„Ég á ekki margt frá pabba mínum. Þegar pabbi dó þá gerðust ýmsir hlutir og við fengum ekki mikið af dótinu hans. Bara að sjá nafnið hans og skriftina hans skiptir mig miklu máli,“ sagði Khloé.
