Lamine Yamal er illa liðinn á meðal margra í spænska landsliðinu. Það er miðillinn El Nacional þar í landi sem heldur þessu fram.
Yamal, sem spilar með Barcelona, er aðeins 18 ára gamall en er þrátt fyrir það ein skærasta stjarna heims. Einhverjir hafa hins vegar lýst áhyggjum af líferni hans utan vallar.
El Nacional segja að þó nokkrir liðsfélagar séu pirraðir á því að Yamal dragi sig reglulega úr landsliðshópnum vegna meiðsla og telja að hann sé ekki með hugann við liðið.
Þá á hann víst ekki samleið með leikmönnum Real Madrid, en það er auðvitað mikill rígur á milli þeirra og Börsunga.
Yamal var aðeins 16 ára gamall þegar hann var orðinn lykilmaður með spænska landsliðinu. Átti hann stóran þátt í Evrópumeistaratitlinum í fyrra.
