Sir Alex Ferguson hefur hrósað áhrifum nýliðans Senne Lammens og lýst yfir bjartsýni á framfarir Manchester United undir stjórn Rúben Amorim.
United hefur verið taplaust í fimm leikjum í röð og sýnir nú merki um stöðugleika eftir erfiðan síðasta vetur. Liðið náði 2-2 jafntefli gegn Tottenham fyrir landsleikjahlé og situr nú í 7. sæti en aðeins tveimur stigum frá þriðja sæti.
Ferguson, sem stýrði United til 38 titla á 26 árum, tjáði sig sjaldan opinberlega um félagið en gerði það nú á Bahrain International Trophy kappreiðunum. Þar hrósaði hann sérstaklega frábærum byrjun Senne Lammens, sem kom frá Royal Antwerp í sumar fyrir 21,7 milljónir punda.
„Markvörðurinn hefur verið frábær, hann hefur aðeins spilað þrjá eða fjóra leiki en lítur virkilega vel út,“ sagði Ferguson við Raceday RTV.
Hann hrósaði einnig nýliðunum Bryan Mbeumo og Matheus Cunha, sem komu frá Brentford og Wolves, og bættu miklu við hópinn.
„Ég vona að Amorim fái smá velgengni, hjá United verður árangur alltaf að vera til staðar. Merkin eru jákvæð. Nú þarf bara stöðugleika og röð af sigrum,“ bætti Ferguson við.
