Ross Barkley hefur opnað sig um ákvörðun sína að hætta að drekka áfengi eftir að hafa átt í vandræðum með áfengisneyslu á ýmsum stigum ferils síns.

31 árs miðjumaðurinn hefur endurfæðst á ferlinum hjá Aston Villa undir stjórn Unai Emery, en segir að hann hafi lært af mistökum fortíðarinnar.

Í viðtali við The Athletic útskýrði hann að síðasta sumar hafi hann ákveðið að verða algjörlega bindindismaður.

„Ég hef ekki drukkið síðan í sumar,“ sagði Barkley.

„Það hefur skapað aðstæður sem ég vil ekki upplifa aftur. Áfengi getur skapað vandamál fyrir flesta, það hef ég lært. Án þess er hugurinn skýrari og maður lendir ekki í vandræðum. Það hefur fullt af kostum.“

Barkley sagði að fæðing barns hans í desember í fyrra hafi haft áhrif á ákvörðunina, auk þess sem hann áttiði sig á að leikferillinn væri ekki eilífur.

Á árum sínum hjá Everton og Chelsea komst hann oft í fréttir vegna atvika tengdum áfeng, meðal annars eftir að hafa brotið samkomutakmarkanir á afmælisveislu sinni og vegna rifrildis við dyravörð á hóteli í London árið 2021.

Hann sást einnig drekka í fríi í Dubai árið 2019 á meðan hann var meiddur.

Barkley rifjaði upp að Frank Lampard, þáverandi stjóri Chelsea, hafi ráðlagt honum að læra af þessu og velja betur hvenær hann leyfði sér að skemmta sér og refsað honum síðar með því að láta hann sitja á varamannabekknum í útileik í Frakklandi.