Það er óhætt að segja að Evan Ferguson byrji dvöl sína hjá Roma vel en hann samdi við félagið í sumar.
Ferguson gerði lánssamning við Roma út tímabilið og kemur frá Brighton en þeir ítölsku geta svo keypt hann næsta sumar fyrir 40 milljónir evra.
Ferguson átti stórkostlegan fyrsta leik fyrir Roma sem lék gegn liði UniPomezia sem er í fjórðu efstu deild.
Sigur Roma var aldrei í hættu og vann liðið 9-0 sigur en hann skoraði fjögur mörk og lagði upp eitt.
Ferguson er enn aðeins 20 ára gamall en eftir að hafa vakið athygli um 18 ára aldur hefur hann ekki staðist væntingar síðasta árið eða svo.
