Alls sóttu sautján einstaklingar um stöðu framkvæmdastjóra Menntasjóðs námsmanna sem auglýst var til umsóknar á dögunum. Umsóknarfrestur rann út 11. júlí síðastliðinn en Logi Einarsson, menningar-, nýsköpunar- og háskólaráðherra mun skipa í stöðuna.

Hrafnhildur Ásta Þorvaldsdóttir hefur gegnt starfi framkvæmdastjóra síðuan 2013 en hún fór í námsleyfi í lok síðasta árs eftir að stormur hafði geisað innan stofnunarinnar um skeið og hún sökuð um einelti gegn að minnsta kosti tveimur starfsmönnum sjóðsins. Henni var síðan tilkynnt um að staðan yrði auglýst til umsóknar.

Páll Winkel, fangelsismálastjóri, tók við stöðunni tímabundið og hefur gegnt henni síðan. Hann sótti hins vegar ekki um að gegna stöðunni áfram.

Umsækjendur um stöðu framkvæmdastjóra MSNM eru eftirfarandi í stafrófsröð:

Ahmed Ehab Mohamed Hamdy Ahmed – Verkefnastjóri

Anne Héléna Clara Herzog – Leiðsögumaður

Ásta Leonhardsdóttir – Innri endurskoðandi

Gísli Rúnar Pálmason – Deildarstjóri

Guðmundur Ásgeirsson – Lögfræðingur

Guðrún Sigurjónsdóttir – Framkvæmdastjóri

Hlynur Ómar Svavarsson – Hagfræðikennari

Jóhann Kristjánsson – Fjármála- og mannauðsstjóri

Jóhannes Stefánsson – Lögfræðingur

Kristín Egilsdóttir – Viðskiptafræðingur

Linda Rut Benediktsdóttir – MBA, MPM

María Stefánsdóttir – Rekstrarstjóri

Rakel Elíasdóttir – Deildarstjóri

Sigrún Jenný Barðadóttir – Framkvæmdastjóri

Sigursteinn Stefánsson – Framkvæmdastjóri

Steinunn Guðbjörg Þorsteinsdóttir – Ráðgjafi

Svava Ásgeirsdóttir – Fjármála- og rekstrarstjóri