Myndband af óléttutilkynningu hefur verið að fara eins og eldur í sinu um netheima og ekki af góðri ástæðu. Olena Perez var spennt að tilkynna fjölskyldu sinni að hún ætti von á sínu fyrsta barni en viðbrögð þeirra, og sérstaklega móðurinnar, voru frekar dauf og leiðinleg.

„Mamma ætlaði ekki að leyfa óléttutilkynningunni minni að eyðileggja myndina,“ skrifaði Olena með myndbandinu á TikTok.

Í myndbandinu er Olena, móðir hennar og fleiri fjölskyldumeðlimir að stilla sér upp fyrir myndatöku, þegar þau eru tilbúin fyrir myndatökuna tekur hún upp jákvætt þungunarpróf úr veskinu og sýnir móður sinni en móðir hennar ýtir hönd hennar niður og vill að hún stilli sér upp fyrir myndina. Olena segir þá: „Ég er ólétt!“ En fjölskyldan virðist ennþá bara vilja taka myndina. Horfðu á myndbandið hér að neðan.

@olena.perez Lmaoooooo my mom loves a good pic!!! #pregnancyannouncement #momsoftiktok ♬ original sound – olena.perez

Myndbandið hefur fengið um 19 milljónir áhorfa síðastliðna tvo daga og hafa fjöldi netverja skrifað við það og sagt að Olena hafi átt mun betra skilið.

Ekki nóg með það, eftir að Olena birti annað myndband og deildi forsögunni, urðu netverjar enn reiðari. En Olena og eiginmaður hennar voru búin að vera að reyna í meira en ár og á þeim tíma var fjölskyldan alltaf að spyrja um barneignir og pressa á þau. Hún hélt því að þau yrðu spenntari en þetta að heyra tíðindin.

En Olena er ekki sár yfir þessu, þó það sé leiðinlegt að þetta sé eina minningin sem hún á á filmu eftir þetta, en hún segir fjölskylduna frábæra þrátt fyrir dræm viðbrögð.