Þrír leikir fóru fram í Bestu deild kvenna í dag.

Nú fyrir skömmu vann Þór/KA öruggan 4-1 sigur á Víkingi. Agnes Birta Stefánsdóttir, Amalía Árnadóttir, Sonja Björg Sigurðardóttir og Sandra María Jessen gerðu mörk heimakvenna, en Dagný Rún Pétursdóttir hafði jafnað fyrir Víking.

Fyrr í dag vann Breiðablik þá femur þægilegan sigur á Stjörnunni í nágrannaslag. Samantha Smith, Birta Georgsdóttir og Berglind Björg Þorvaldsdóttir gerðu mörkin í 0-3 sigri gestanna frá Kópavogi.

Loks vann Valur langþráðan sigur og kom hann gegn FH í Kaplakrika. Ragnheiður Þórunn Jónsdóttir og Helena Ósk Hálfdánardóttir komu Val í 0-2 sigur en Ingibjörg Magnúsdóttir minnkaði muninn fyrir FH. Nær komust Hafnfirðingar þó ekki.

Breiðablik er á toppi deildarinnar með 25 stig, jafnmörg stig og Þróttur en 3 meira en FH. Þór/KA kemur þar á eftir með 18 stig. Valur er í sjötta sæti með 12 stig, líkt og Stjarnan sem er sæti neðar. Loks er Víkingur í 9. sæti með 7 stig, 3 stigum frá öruggu sæti.