fbpx
Föstudagur 29.ágúst 2025
433Sport

Skagamenn staðfesta ráðninguna á Lárusi Orra

Helgi Fannar Sigurðsson
Laugardaginn 21. júní 2025 10:36

Mynd: ÍA

Ekki missa af Helstu tíðindum dagsins í pósthólfið þitt

Lesa nánar

ÍA hefur staðfest ráðninguna á Lárusi Orra Sigurðssyni sem þjálfara meistaraflokks karla.

Flestir héldu að Jóhannes Karl Guðjónsson væri að taka við á nýjan leik, en hann stýrir AB Kaupmannahöfn í dag. Ekkert verður af því og fyrrum aðstoðarlandsliðsþjálfarinn verður áfram í Danmörku.

Lárus tekur við af Jóni Þór Haukssyni, sem var látinn fara í vikunni eftir dapurt gengi á leiktíðinni, en Skagamenn eru á botni Bestu deildarinnar.

Þetta er fyrsta starf Lárusar í sjö ár, en þessi fyrrum landsliðsmaður Íslands var áður þjálfari Þórs og KF. Hann hefur slegið í gegn sem sérfræðingur um Bestu deildina á SÝN undanfarin ár.

Tilkynning ÍA.
Lárus Orri Sigurðsson ráðinn þjálfari meistaraflokks karla.

Lárus Orri Sigurðsson hefur verið ráðinn aðalþjálfari meistaraflokks karla hjá Knattspyrnufélagi ÍA. Lárus Orri mun taka formlega við þjálfun ÍA eftir leik liðsins gegn Stjörnunni sem fram fer á morgun og mun hann stýra liðinu út keppnistímabilið. Þjálfarateymi liðsins verður að öðru leyti óbreytt.

Lárus Orri ólst upp á Akranesi og lék með yngri flokkum ÍA við góðan orðstír allt þar til hann flutti til Akureyrar á unglingsaldri. Þar lék hann með meistaraflokki Þórs í nokkur ár. Hann átti magnaðan atvinnumannaferil í Englandi sem spannaði 10 ár þar sem hann lék með Stoke og WBA, bæði í Championship deildinni og Premier League. Hann á að baki 42 A landsleiki og spilaði auk þess með öllum yngri landsliðum Íslands. Lárus Orri á farsælan 10 ára feril að baki í þjálfun meistaraflokka Þórs á Akureyri og KF.

Við fögnum því mjög að fá Lárus Orra aftur til baka á æskuslóðirnar á Skaganum og hlökkum til að starfa með honum. Hann býr yfir mikilli reynslu og þekkingu sem leikmenn okkar og aðrir sem starfa í kringum félagið munu njóta góðs af.

Við bjóðum Lárus Orra innilega velkominn á Skagann!

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 6 klukkutímum

Pattstaða í máli Donnarumma sem heldur í vonina

Pattstaða í máli Donnarumma sem heldur í vonina
433Sport
Fyrir 7 klukkutímum

Amorim mætti vansvefta á æfingasvæði United

Amorim mætti vansvefta á æfingasvæði United
433Sport
Fyrir 17 klukkutímum

Lýsir ótrúlegri atburðarás á veitingastað – „Ég held að ég hafi sloppið vel“

Lýsir ótrúlegri atburðarás á veitingastað – „Ég held að ég hafi sloppið vel“
433Sport
Fyrir 18 klukkutímum

Newcastle loksins að fá framherja – Woltemade verður dýrastur í sögu félagsins

Newcastle loksins að fá framherja – Woltemade verður dýrastur í sögu félagsins
433Sport
Fyrir 21 klukkutímum

Eru að landa fyrrum United-manninum

Eru að landa fyrrum United-manninum
433Sport
Fyrir 22 klukkutímum

Miðasala hafin á afar mikilvægan leik

Miðasala hafin á afar mikilvægan leik