Jóhannes Karl Guðjónsson er ekki að taka við ÍA eftir allt saman heldur Lárus Orri Sigurðsson, sparkspekingur og fyrrum þjálfari Þórs. Sparkspekingurinn Hrafnkell Freyr Ágústsson heldur þessu fram.
Fyrr í vikunni var tilkynnt að Jón Þór Hauksson og knattspyrnudeild ÍA hefðu slitið samstarfi sínu eftir dapurt gengi það sem af er móti í Bestu deildinni. Skagamenn eru á botninum með níu stig.
Í kjölfarið fóru af stað sögusagnir um að Jóhannes Karl, sem stýrði ÍA frá 2018 til 2021 og er nú með AB Kaupmannahöfn, væri að taka við en nú verður ekkert af því ef marka má nýjustu fréttir.
Lárus Orri hefur slegið í gegn í Stúkunni á SÝN undanfarin ár í umfjöllun um Bestu deildina. Nú verður hann þjálfari á ný í fyrsta sinn síðan 2018 samkvæmt þessum fréttum.
Samkvæmt mínum heimildum mun Lárus Orri Sigurðsson taka við ÍA um helgina, mjög óvænt twist en ekkert eðlilega spennandi. Ekki þjálfað í 7 ár en eins og allir vita hefur hann verið mjög metnaðarfullur í umfjöllun sinni um Bestu deild karla síðustu ár. pic.twitter.com/x6XzZSSVub
— Hrafnkell Freyr Àgústsson (@hrafnkellfreyr) June 21, 2025
