Chelsea ætti að forðast það að fá til sín vængmanninn Alejandro Garnacho sem er orðaður við félagið þessa stundina.

Þetta segir fyrrum leikmaður liðsins, Emmanuel Petit, en Garnacho spilar með Manchester United og ku vera á förum í sumar.

Garnacho er aðeins 20 ára gamall og á framtíðina fyrir sér en Petit telur að hann henti Chelsea alls ekki vel þessa stundina.

,,Chelsea ætti að forðast Alejandro Garnacho. Hann gæti verið ágætis náungi en ég var alls ekki hrifinn af hans hegðun hjá United eftir tímabilið,“ sagði Petti.

,,Hann virðist vera mjög pirraður. Hann hefur fengið sín tækifæri til að sanna sig á vellinum en enginn veit við hverju á að búast.“

,,Við höfum ekki séð hann bæta sig sem leikmann. Hugarfarið er til staðar en hann er ekki að bæta sig hægt og rólega. Chelsea er með vængmenn í svipuðum stöðum sem eru að glíma við það sama. Að fá inn Garnacho er ekki góð hugmynd.“