Ísak Bergmann Jóhannesson er orðinn leikmaður Köln í efstu deild Þýskalands en þetta var staðfest í dag.
Ísak var óvænt orðaður við Köln í gær og tók ekki langan tíma fyrir félagið að staðfesta kaupin eftir það.
Landsliðsmaðurinn var á mála hjá Dusseldorf í næst efstu deild sem eru einmitt erkifjendur Köln og eru skiptin umdeild.
Ísak er talinn kosta um 5,5 milljónir evra en hann er 22 ára gamall og er uppalinn Skagamaður.
Ísak gerir fjögurra ára samning við Köln sem gildir til 2029.
