Eins og margir vita þá má Gary Neville ekki mæta á City Ground í dag á leik Nottingham Forest og Chelsea.

Ástæðan er blóðheitur eigandi Forest sem fékk gagnrýni frá Neville á dögunum sem hann er afskaplega ósáttur við.

Neville átti að mæta á þennan lokaleik liðanna og lýsa honum áður en Sky Sports tilkynnti honum að hann væri ekki velkominn á völlinn.

Evangelos Marinakis, eigandi Forest, er engum líkur en hann hefur einfaldlega meinað Neville aðgang að vellinum.

Jamie Carragher, samstarfsmaður Neville, tjáði sig um málið en hann ræddi stuttlega við eigandann umdeilda.

,,Hann sagði við mig að það væri í lagi að ég myndi lýsa leiknum en að ég mætti ekki koma nálægt grasinu,“ sagði Carragher.

,,Ég sagði við hann að ég myndi ekki mæta ef Gary fengi ekki aðgang – hann svaraði og sagði mér að fara til fjandans!“