Ólafur Jóhannesson var í dag ráðinn þjálfari Stjörnunnar, ásamt Rúnari Páli Sigmundssyni. Þjálfarinn knái verður ásamt Rúnari við stýrið í Garðabæ
,,Mig vantaði mann mér við hlið, þú getur farið nokkrar leiðir í þessu. Þegar mér datt hann í hug, þá býður þú ekki Óla Jó að vera aðstoðarþjálfarinn þinn,“ sagði Rúnar Páll eftir fundinn í dag.
Hann sagði það frábært fyrir Stjörnuna að fá sigursælasta þjálfara Íslands í Stjörnuna.
,,Þú býður honum að þjálfa með mér, það sú nálgun sem við förum í. Við þjálfum þetta lið saman, við erum báðir öflugir karakterar, við höfum ólíka sín á hvernig á að spila fótboltann. Sú blanda getur verið mjög öflug, báðir öflugir þjálfarar. Óli er sigursælasti þjálfari fyrr og síðar á Íslandi, að fá hann inn í okkar félag er stórkostlegt.“
,,Það verður mjög öflugt fyrir mig að læra af honum, og hann lærir af minni hugmyndafræði. Fyrir strákana er þetta frábært tækifæri.“
Viðtalið er í heild hér að neðan.