„Ég vildi taka næsta skref hérna á Íslandi og KR er lið sem vill alltaf vera að berjast á toppnum og ég tel mig geta lært mjög mikið af Rúnari og Bjarna,“ sagði Pablo Punyed, nýjasti leikmaður KR á blaðamannafundi í Vesturbænum í dag.

Pablo kemur til liðsins frá ÍBV þar sem hann varð m.a Bikarmeistari síðasta sumar en hann ákvað að framlengja ekki samning sinn við Eyjamenn og mun því spila með KR í Pepsi-deildinni næsta sumar.

„Það var erfitt að segja nei við ÍBV og það voru nokkur félög sem voru búin að hafa samband við mig en þegar allt kemur til alls þá spilaði reynsla þeirra Rúnars og Bjarna stóran þátt í ákvörðun minni.“

„Það er alltaf erfitt að spila á móti KR, þeir eru alltaf með gott lið en það vilja allir vinna KR og það er alltaf pressa hérna að gera vel og ég spila best undir pressu.“

Viðtalið í heild sinni má sjá hér fyrir ofan og neðan.