„Það var mikill kraftur í liðinu í byrjun og við fengum fullt af færum og skoruðum tvö góð mörk,“ sagði André Bjerregaard, leikmaður KR eftir 4-2 sigur liðsins á Víking Ólafsvík í kvöld.

Það voru þeir Tobias Thomsen, Aron Bjarki Jósepsson, Andre Bjerregaard og Óskar Örn Hauksson sem skoruðu mörk KR í leiknum en Kwame Quee og Guðmundur Steinn skoruðu mörk Ólsara.

„Við erum með góða leikmenn og létum boltann ganga vel. Þeir voru að hlaupa mikið og höfum verið að skora mikið upp á síðkastið sem er jákvætt.“

„Mér fannst við alltaf vera með leikinn. Þeir jafna en við héldum bara áfram að spila okkar leik og unnum þennan leik sannfærandi finnst mér.“

Viðtalið í heild sinni má sjá hér fyrir ofan og neðan.