Trausti Sigurbjörnsson, markvörður Hauka, var mjög ánægðuur með að fá þrjú stig gegn Þrótt í Inkasso-deildinni í dag.
Trausti er fyrrum markvörður Þróttar og segir hann að það sé súrsæt tilfinning að mæta gömlum félögum.
,,Þetta er gífurlega sætt, ég fagnaði reyndar ekki mikið en ég er kominn með nýtt heimili en elska samt Þrótt,“ sagði Trausti.
,,Það er súrsætt að koma en rosa gaman að fá þrjú stig. Það er alltaf gaman að vinna gamla félaga en þetta eru bara eins og önnur þrjú stig.“
Trausti var dæmdur brotlegur inn í eigin vítateig í leiknum en hann var á því máli að dómurinn hafi verið harður.
,,Finnur Ólafs gamall hlunkur sem kann þetta, hann sá mig koma á fullri ferð og rekur löppina upp og ég strauja hann niður. Einhver dómari hefði dæmt á hann þar sem hann rak takkana í andlitið á mér.“
,,Við erum að stefna á pokann fræga. Sjá hvað gerist og svo telja upp úr honum undir lokin. Við eigum að geta keppt um hvaða lið sem er í þessari deild.“
