
Jesse Lingard, fyrrum leikmaður Manchester United, gæti snúið aftur í evrópskan fótbolta á næstunni eftir að hafa orðið samningslaus í Suður-Kóreu.
Lingard gekk til liðs við FC Seoul í febrúar 2024 og lék alls 67 leiki fyrir félagið, þar sem hann skoraði 19 mörk.
Samkvæmt Daily Mail hyggst Lingard taka ákvörðun um næsta skref á ferlinum fyrir lok vikunnar. Hollenska stórliðið Feyenoord er sagt vera meðal þeirra félaga sem hafa haft samband. Myndi hann þar hitta fyrir Robin van Persie, fyrrum liðsfélaga sinn hjá United.
Lingard er einnig orðaður við West Ham, Wolves og Genoa.