Fyrrverandi knattspyrnustjórinn Tim Sherwood hefur sætt gagnrýni eftir að hafa fullyrt að Benjamin Sesko væri ekki nógu góður fyrir Manchester United, þrátt fyrir að hafa skorað tvö mörk gegn Burnley.
Slóveninn, sem gekk til liðs við Manchester United frá RB Leipzig í sumar, skoraði sitt þriðja og fjórða mark fyrir félagið þegar United gerði 2-2 jafntefli við Burnley á Turf Moor á miðvikudag.
Sesko, sem er 196 sentímetrar á hæð og kostaði félagið um 74 milljónir punda, sýndi styrk sinn með tveimur sannfærandi framherjamörkum í síðari hálfleik.
Sherwood lét þó ekki sannfærast og sagði á Sky Sports að bráðabirgðastjórinn Darren Fletcher hefði átt að taka Sesko af velli í hálfleik, Sesko skoraði svo tvö í síðari hálfleik.. „Ég stend við orð mín,“ sagði Sherwood og bætti við að Burnley væri lið á leið niður um deild.
Hann viðurkenndi þó að mörkin gætu gefið Šeško sjálfstraust fyrir framhaldið. Hefur verið kallað eftir því að Sherwood verði rekinn af Sky fyrir ummæli sín.
