Ivan Toney, framherji Al Ahli og landsliðsmaður Englands, útilokar ekki endurkomu í ensku úrvalsdeildina í framtíðinni, þrátt fyrir að hafa hafnað tilboðum í janúarglugganum til að halda áfram í Sádi-Arabíu.
Toney gekk óvænt til liðs við Al Ahli frá Brentford sumarið 2024 fyrir um 40 milljónir punda. Nú, rúmum 18 mánuðum síðar, segist hann líða vel hjá félaginu og njóta lífsins í Sádi-Arabíu.
Hann átti afar gott fyrsta tímabil, skoraði 30 mörk í öllum keppnum, varð næstmarkahæstur í deildinni á eftir Cristiano Ronaldo og hjálpaði liðinu að vinna Asíumeistaradeildina. Þá vann Al Ahli einnig Ofurbikar Sádi-Arabíu í ágúst.
„Aldrei segja aldrei,“ sagði Toney þegar hann var spurður um mögulega endurkomu til Englands. Hann segir þó að hann hafi markmið með Al Ahli og vilji skila félaginu titlum í þakklætisskyni fyrir traustið.
Toney kveðst sáttur, vel staðsettur og njóta fótboltans, og sjái því enga ástæðu til að yfirgefa félagið að svo stöddu. Hann segir framtíðina þó alltaf óskrifaða í fótbolta.
