Manchester United hefur samkvæmt fréttum í Argentínu átt í samtali við Emi Martinez og umboðsmann hans í sex mánuði.
Martinez er markvörður Aston Villa og Argentínu og er sagður á förum frá enska félaginu.
Vitað er að Ruben Amorim hefur áhuga á því að selja Andre Onana í sumar og fá inn annan markvörð til félagsins.
Martinez hefur átt góðu gengi að fagna síðustu ár og TYC Sports í Argentínu segir samtalið við United vera í gangi.
United þarf hins vegar að byrja á því að selja menn áður en félagið getur gengið frá kaupum á markverðinum.
