Helgi Fannar Sigurðsson skrifar frá Sviss
Það er hugur í íslenska landsliðshópnum fyrir komandi Evrópumót, þar sem liðið ætlar sér upp úr riðli sínum.
Stelpurnar okkar mæta Finnlandi í fyrsta leik á miðvikudag og í kjölfarið verða leikir gegn Sviss og Noregi.
„Það er mjög góð stemning í hópnum, við erum klárar í þetta,“ sagði Amanda Andradóttir við 433.is í dag.
Hópurinn kom til Sviss á laugardag eftir undirbúning í Serbíu og æfingaleik dagana á undan.
„Þetta hafa verið frábærir dagar. Það er allt svo fallegt hérna og æfingasvæðið flott
Hitinn truflaði okkur kannski aðeins í Serbíu en nú erum við búnar að venjast honum,“ sagði Amanda.
Ljóst er að leikurinn gegn Finnum skiptir gríðarlega miklu máli.
„Það er mjög mikilvægt að vinna hann. Við viljum byrja mótið vel.“
