Manchester United goðsögnin Wayne Rooney er orðaður við ansi áhugavert starf í ensku utandeildinni um þessar mundir.

Rooney, sem stýrði áður Derby, Birmingham og DC United, var síðast í starfi hjá Plymouth í ensku B-deildinni, en var rekinn þaðan síðastliðinn desember eftir arfaslakan árangur.

Nú gæti hann verið að taka við þjálfarastarfi á ný hjá utandeildarliðinu Macclesfield, sem kom sér upp í næstefstu utandeild Englands á dögunum.

Robbie Savage, annar fyrrum leikmaður United, er þjálfari liðsins sem stendur og náði flottum árangri á leiktíðinni. Hann er sterklega orðaður við Forest Green, sem er deild ofar.

Sagan segir að Macclesfield snúi sér að Rooney ef Savage ákveður að taka við starfinu hjá Forest Green.