Viktor Gyokeres framehrji Sporting Lisbon var í fjölmiðlum í dag orðaður við Liverpool. Það var Correio da Manha sem sagði frá.
Hins vegar segir TNT Sport í Portúgal að Liverpool sé alls ekki komið inn í þá baráttu.
Bæði Arsenal og Manchester United hafa áhuga á Gyokeres sem hefur raðað inn í Portúgal.
Sænski framherjinn hefur farið í hart við Sporting Lisbon en hann segir félagið hafa svikið loforð um verðmiða á sér.
Búist er við að framtíð Gyokeres skýrist á næstu vikum en það er talið ólíklegt að Liverpool muni blanda sér í slaginn.
