Wilfried Zaha fyrrum kantmaður Manchester United segir að það hafi verið klikkun að lenda í þeim sögusögnum sem fóru af stað þegar hann var hjá félaginu.

Zaha var keyptur til Manchester United í janúar árið 2013 og var síðasti leikmaðurinn sem Sir Alex Ferguson fékk til félagsins.

Ferugson hætti um sumarið þegar Zaha kom til félagsins og því lék hann aldrei undir hans stjórn.

„Tíminn hjá Manchester United og var lánaður til Cardiff var lágpunktur,“ sagði Zaha sem fékk aldrei tækifæri undir stjórn David Moyes sem tók við af Ferguson.

„Þegar ég var þar þá var mikið að ganga, ég fór í æfingaferð og gekk vel. Næst er ég bara ekki að spila neitt, engin ástæða fyrir þetta.“

Margar getgátur voru um það af hverju Zaha fengi ekki tækifæri og ein af þeim var sú að hann væri að sofa hjá dóttur Moyes.

„Svo fara kjaftasögurnar í gang um að ég sé að sofa hjá dóttur þjálfarans, það kom enginn og ræddi þetta. Hvort það væri einhver sannleikur, það kom enginn leikmaður og talaði við mig.“

„Það eru bara allir að halda áfram með sitt, þú kemst á toppinn og ef þú ert ekki klár í slaginn eins og aðrir þá ertu til hliðar. Það gekk ekki vel hjá besta félagi í heimi, það var enginn öxl til að gráta á. Þetta var draumurinn sem gekk ekki.“

Zaha var 21 árs gamall þarna og eftir erfitt ár fór hann aftur til Crystal Palace og hefur eftir það átt frábæran feril.

@spillers_production @Wilfried Zaha opens up about his time at @Manchester United &@Cardiff City FC (Episode out now link in bio) #Motivation #CrystalPalace #Zaha #manchesterunited #cardiffcityfc #siralexferguson #siralex #transfer ♬ higher by tems cover – jendo