Það er útlit fyrir að Alexander Rafn Pálmason muni ganga í raðir danska félagisns Nordsjælland samkvæmt Hjörvari Hafliðasyni í Dr. Football.

Alexander er aðeins 15 ára gamall en er orðinn hluti af aðalliði KR. Hefur hann komið við sögu í sex leikjum í deild og bikar og alls skorað fjögur mörk, en kappinn hefur verið meiddur undanfarið.

Í Dr. Football kemur fram að gríðarlegur áhugi sé á Alexander en að líklegast sé að niðurstaðan verði Nordsjælland, sem hefur reynst mörgum ungum leikmönnum afar vel í gegnum tíðina.

Alexander er auðvitað sonur Pálma Rafns Pálmasonar, goðsagnar KR og framkvæmdastjóra félagsins.