Arsenal mun klára kaupin á Kepa Arrizabalaga frá Chelsea í þessari viku samkvæmt helstu miðlum.

Arsenal greiðir Chelsea 5 milljónir punda fyrir markvörðinn, sem fær það hlutverk að veita David Raya samkeppni á Emirates.

Skytturnar voru með Neto á láni frá Bournemouth á síðustu leiktíð en ákváðu að semja ekki við hann endanlega.

Kepa hefur verið á láni undanfarin tvö tímabil, fyrst hjá Real Madrid og svo Bournemouth á síðustu leiktíð.

Það eru sjö ár síðan Spánverjinn varð dýrasti markvörður sögunnar þegar Chelsea keypti hann á 72 milljónir punda frá Athletic Bilbao.

Átti Kepa misjöfnu gengi að fagna á Stamford Bridge, en hann vann Meistaradeildina með Chelsea 2021.

Margir leikmenn hafa farið frá Chelsea til Arsenal undanfarin ár og hefur það heppnast misvel. Kai Havertz og Jorginho hafa til að mynda reynst liðinu góðu en menn eins og Raheem Sterling, David Luiz og Willian gert minna.