Þrír leikir fóru fram í Bestu deild kvenna í kvöld.

Valur tók á móti Þrótti í stórleik og kom Lillý Rut Hlynsdóttir heimakonum eftir eftir stundarfjórðung. Þórdís Elva Ágústsdóttir náði þó að svara fyrir gestina og var jafnt í hálfleik.

Snemma í seinni hálfleik kom Freyja Karín Þorvarðardóttir Þrótti yfir og María Eva Eyjólfsdóttir innsiglaði sigur liðsins á 80. mínútu. Frábær byrjun Þróttara á Íslandsmótinu en Valskonur eru í vandræðum.

Íslandsmeistarar Breiðabliks unnu þá sannfærandi sigur á Tindastóli fyrir norðan. Birgitta Rún Finnbogadóttir kom heimakonum yfir en við tók sýning frá Blikum. Berglind Björg Þorvaldsdóttir gerði tvö mörk en Birta Georgsdóttir, Andrea Rut Bjarnadóttir og Hrafnhildur Ása Halldórsdóttir eitt.

Loks vann Þór/KA 2-5 sigur á FHL fyrir austan þar sem Sandra María Jessen skoraði þrennu. Sonja Björg Sigurðardóttir og Karen María Sigurgeirsdóttir gerðu sitt hvort markið fyrir gestina en Hrafnhildur Eik Reimarsdóttir og Aida Kardovic gerðu mörk FHL.