Luca Manolache, 19 ára gamall rúmenskur knattspyrnumaður, lést á dögunum. Móðir hans hefur opinberað hvað það síðasta sem hann sagði við hana var.

Luca lék fyrir Metaloglobus Búkarest í heimalandinu en hann hafði ekkert spilað frá því síðasta haust, þegar veikindi hans fóru að gera vart við sig. Hann var til að mynda mikið þreyttur, óglatt og hægðir hans blóðugar þegar verst lét.

Móðir Luca, Ana, segir við fjölmiðla í Rúmeníu að hún hafi fengið símtal frá syni sínum 28. febrúar. Átti það eftir að vera örlagaríkur dagur. Luca hafði verið úti með meðlimi fjölskyldunnar þegar hann veiktist og þurfti sjúkrabíll að ná í hann.

„Ég get þetta ekki lengur mamma. Heldurðu að ég sé að deyja?“ á Luca að hafa sagt er hann var inni í bílnum.

Luca lést því miður á leið á spítala. Dánarorsök var sú að hann hafði drukknað úr eigin magasýru.

Metaloglobus Búkarest sendi frá sér yfirlýsingu í kjölfar tíðinda af andláti Luca.

„Við erum í áfalli yfir þessum tíðindum og afar sorgmædd yfir þessu sorglega missi. Ást hans á fótbolta og bros hans færði öllum í kringum hann gleði,“ segir þar meðal annars.