Ruben Amorim, knattspyrnustjóri Manchester United, lét gremju sína í ljós gagnvart einum leikmanni liðsins í 4-4 jafntefli gegn Bournemouth á mánudagskvöldið.
United komst þrisvar sinnum yfir á Old Trafford, en þurfti að sætta sig við eitt stig eftir æsilegan leik. Þetta var enn einn heimaleikurinn þar sem lið Amorim missti niður stig, eftir að hafa nýverið tapað 1-0 fyrir Everton, sem lék manni færri, og gert 1-1 jafntefli við West Ham eftir að hafa fengið á sig mark undir lokin.
What was Ruben Amorim saying here.🤔 pic.twitter.com/dUrWl7uFmK
— Kev 屮 (@UtdKev8) December 16, 2025
Ný upptaka, tekin nálægt varamannabekk Manchester United, sýnir gremju Amorim á meðan leiknum stóð. Í myndbandinu má heyra stjórann hrópa á portúgölsku til aðstoðarmanna sinna. „Boltinn er búinn að vera í burtu í hálftíma, hvað er Leny að gera?“
Óljóst er hvenær í leiknum upptakan var tekin, en hún varpar ljósi á spennuna á varamannabekk United í þessum dramatíska jafntefli gegn Bournemouth.
