AnneKee de Ligt, eiginkona Manchester United leikmannsins Matthijs de Ligt, heldur áfram að kafa djúpt í andlega lífsstefnu þrátt fyrir fregnir þess efnis að það hafi átt stóran þátt í sambandsslitum þeirra.

Þau AnneKee og Matthijs, bæði 26 ára, eru enn gift á pappír, en fjölmiðlar í Hollandi greina frá því að sambandið hafi verið í mikilli óvissu undanfarnar vikur.

Samkvæmt slúðursíðunni Realityfbi hefur varnarmaðurinn orðið þreyttur á andlegu ferðalagi hennar, má þar nefna tarotspil og sjálfshjálparsetningum sem eiginkonan birtir reglulega á samfélagsmiðlum.

Parið giftist árið 2024 og átti að halda stóra brúðkaupsveislu síðastliðið sumar, en hún var skyndilega afboðuð, Matthijs sást síðar ferðast einn til Barbados eftir að hafa varið viku einn á Ibiza án AnneKee.

Á sama tíma heldur AnneKee áfram að byggja upp vaxandi andlegt vörumerki sitt, þar sem hún rekur meðal annars hlaðvarpið Annie’s Alchemia. Þar talar hún um allt frá hugleiðslu og sjálfsrækt til kakó athafna, þar sem fólk drekkur sérstakt kakó í andlegum tilgangi til að næra hjarta og huga.

Í vikunni birti hún tilvitnun á Instagram: „Stundum fer alheimurinn með þig í ferðalag sem þú vissir ekki að þú þurftir, til að færa þér allt sem þú vildir. Treystu á áætlunina.“

Matthijs hefur ekki sést á samfélagsmiðlum AnneKee í marga mánuði, né hún á hans, sem hefur enn gefið lítið upp opinberlega um stöðu sambandsins. Hins vegar er ljóst að fjarlægðin milli þeirra hefur aukist á sama tíma og AnneKee hefur snúið sér enn fastar að andlegri sjálfsrækt og vörumerki sínu.