Besti vinur Cole Palmer er sagður vera á óskalista liða í ensku úrvalsdeildinni en sá maður heitir Tosin Adarabioyo.

Tosin eins og hann er yfirleitt kallaður er þó ekki á sölulista hjá Chelsea sem vill halda honum næsta vetur.

Hann gæti þó freistað þess að fara til Crystal Palace eða West Ham ef Jorrell Hato kemur til enska félagsins frá Ajax.

Ef Hato verður staðfestur hjá Chelsea þá þýðir það að Tosin mun fá takmarkaðan leiktíma næsta vetur.

Það er áhyggjuefni fyrir Chelsea ef Tosin heldur annað en ástæðan er Palmer sem er mikilvægasti leikmaður félagsins.

Palmer hefur gefið það út að hann leiti mikið til Tosin á erfiðum tímum og að samband þeirra utan vallar sem og innan sé gríðarlega sterkt.