Forráðamenn Arsenal eru orðnir pirraðir á Benjamin Sesko og hans fulltrúum vegna launakrafa þeirra.
The Sun fjallar um málið. Arsenal þarf nauðsynlega á framherja að halda og er Sesko, sem er á mála hjá RB Leipzig, fyrsti kostur.
Arsenal er til í að borga 70 milljónir punda fyrir hann en samkvæmt nýjustu fréttum eru launakröfur Sesko hærri en félagið gerði ráð fyrir.
Það gæti því farið að Arsenal horfi annað en næsti kostur á blaði er Viktor Gyokeres hjá Sporting.
Arsenal vill alls ekki missa af Gyokeres ef ske kynni að félagið landi ekki Sesko, svo það eru áhugaverðir dagar framundan.
Gyokeres ku vita að Arsenal vilji Sesko frekar en sjálfur er Svíinn spenntastur fyrir því að ganga í raðir enska félagsins.
