Dean Huijsen bjóst ekki við því að verða orðinn leikmaður Real Madrid á þessu ári en hann gerði nýlega samning við félagið.
Huijsen spilaði eitt tímabil með Bournemouth en var svo keyptur til Real fyrir 50 milljónir punda á þessu ári.
Þessi tvítugi strákur ætlaði að spila allavega tvö tímabil með Bournemouth en svo gerðist það óvænta.
,,Ég er mögulega ánægðasti maður veraldar en pabbi minn er mögulega ánægðari en ég,“ sagði Huijsen.
,,Planið var að spila í tvö ár hjá Bournemouth, þróa minn leik og svo finna út úr því hvað næsta skref væri.“
,,Hlutirnir gengu hins vegar mun hraðar fyrir sig en ég bjóst við.“
