Manchester United hefur staðfest það að maður að nafni Andreas Georgson sé búinn að yfirgefa félagið.

Þetta er maður sem Erik ten Hag fékk til félagsins á sínum tíma en hann sá um föst leikatriði aðalliðsins.

Ruben Amorim er í dag stjóri United en hann virðist hafa lítinn áhuga á að halda Georgson sem var settur í varahlutverk í nóvember.

Amorim ákvað að ráða inn Carlos Fernandes eftir komu til félagsins í nóvember og missti Georgson sína stöðu en hefur þó áfram starfað fyrir félagið undanfarna mánuði.

Nú hefur United tekið ákvörðun um að Georgson verði látinn fara en hann hefur starfað hjá félögum eins og Arsenal, Brentford og Southampton.