Eins og margir vita þá er Emiliano Martinez að kveðja lið Aston Villa en hann er af mörgum talinn einn besti markvörður heims.

Martinez er landsliðsmarkvörður Argentínu og vann HM með landsliði sínu 2022 og var einn besti leikmaður mótsins.

Martinez kvaddi stuðningsmenn Villa undir lok tímabilsins í ensku úrvalsdeildinni en óljóst er hvert hann mun halda í sumar.

Launapakki Martinez er sagður stór hluti af ákvörðun Villa að leyfa honum að fara en hann er launahæsti leikmaður liðsins ásamt tveimur öðrum.

Martinez verður 33 ára gamall á þessu ári en hann fær 150 þúsund pund á viku – það sama og Boubacar Kamara og Youri Tielemans.

Villa vill losna við Martinez og hans launakröfur í sumar en hann gæti haldið til Sádi Arabíu og fengið allt að fjórfalt hærri laun.