Chelsea þarf mögulega á framherja að halda í janúar eða þá í sumar að sögn fyrrum þjálfara félagsins, Roberto Di Matteo.
Di Matteo vann Meistaradeildina með Chelsea á sínum tíma og var þá einnig leikmaður liðsins um tímabil.
Chelsea treystir aðallega á Senegalann Nicolas Jackson í fremstu víglínu í dag en það er mögulega ekki nóg að sögn Di Matteo sem er þó hrifinn af leikmanninum.
,,Ég er hrifinn af Jackson. Ég get líka séð af hverju aðrir þjálfarar eru hrfinir af honum,“ sagði Di Matteo.
,,Hann hefur skorað nokkur mörk á tímabilinu. Hann fékk mikla gagnrýni á síðasta tímabili en hann er ungur leikmaður og það tekur unga leikmenn oft tíoma til að aðlagast.“
,,Ég held að það sé bara tímaspursmál hvenær hann byrji að skora 20 mörk á tímabili. Hann gæti náð því á þessu tímabili jafnvel.“
,,Þeir þurfa hins vegar kannski aðra níu sem er öðruvísi leikmaður en Jackson.“
