Lionel Messi útskýrði í nýju viðtali hvers vegna hann talar ekki ensku.
Messi yfirgaf Paris Saint-Germain og hélt til Inter Miami í Bandaríkjunum í fyrra. Margir héldu að í kjölfarið færi hann að tala ensku meira en í gegnum tíðina hefur hann nær aldrei gert það.
Argentínumaðurinn hefur aðeins talað ensku í auglýsingum vestan hafs en vill þó helst ekki gera það þar sem honum finnst það vandræðalegt.
„Ég skil allt, eða nánast allt sem sagt er á ensku. Ég held ég geti talað ensku en ég geri það ekki þar sem ég skammast mín,“ segir Messi, sem virðist því betri í ensku en margir halda.