Það styttist verulega í að Íslandsmótið í fótbolta hefjist á ný en flautað verður til leiks snemma í apríl.
Það verður væntanlega hart barist um titilinn að venju en nokkur lið eru talin koma til greina í baráttunni.
Flestir búast við að Valur og Víkingur muni berjast um efsta sætið en Breiðablik er einnig nefnt til sögunnar.
Helgi Fannar Sigurðsson, Hrafnkell Freyr Ágústsson og Halldór Garðar Hermannsson ræddu titilbaráttuna stuttlega í Íþróttavikunni á 433.is á dögunum.
Halldór er á því máli að Valur sé líklegast eftir að félagið fékk Gylfa Þór Sigurðsson í sínar raðir.
,,Ég myndi segja það já, ef ég væri spekingur þá er Valur númer eitt en Víkingur númer tvö og Breiðablik númer þrjú,“ sagði Halldór.
Hrafnkell er mikill Bliki og hefur trú á að sínir menn geti komið á óvart í baráttunni.
,,Ég held að Breiðablik geti komið bakdyramegin að þessu, það er mín tilfinning í ár. Þetta er flott lið og fólk gleymir því að Patrik Johannesen er ennþá í Breiðabliki. Hann er byrjaður að spila eða æfa allavega.“