Pep Guardiola er meira en tilbúinn að taka á móti Wayne Rooney á Etihad vellinum en sá síðarnefndi lét umdeild ummæli falla á dögunum.

Rooney er goðsögn Manchester United en sagðist vera tilbúinn að labba á Etihad ef hann fengi tækifæri til að aðstoða Pep hjá Manchester City.

Margir stuðningsmenn United tóku ansi illa í þessi ummæli Rooney sem er knattspyrnustjóri í dag.

Guardiola er mjög opinn fyrir því að hitta Rooney sem var rekinn frá Birmingham fyrr á þessu tímabili.

,,Ég veit ekki hvar hann býr. Cheshire? Hann er ekki langt í burtu,“ sagði Guardiola við blaðamenn.

,,Hann er meira en velkominn að koma hingað, hvenær sem er.“

,,Hann er mikilvægur fyrir þessa borg, hann er Rauður Djöfull en er einn sá besti í sögu landsins. Ef hann hrósar okkur þá er það mjög gaman að heyra.“