Ruben Amorim hefur staðfest það að sóknarmaðurinn Viktor Gyokores sé ekki á leið til Manchester United í janúar.
Gyokores er einn eftirsóttasti framherji heims en hann er á mála hjá Sporting og vann þar undir Amorim sem er að taka við United.
Amorim útilokar að kaupa leikmenn frá Sporting í byrjun árs en það gæti hins vegar gerst næsta sumar.
,,Ég mun ekki kaupa leikmenn frá Sporting í janúarglugganum,“ sagði Amorim við blaðamenn.
,,Ég veit ekki með sumarið. Það mikilvægasta er að halda starfinu þar til í sumar! Eftir það þá sjáum við til.“
,,Sporting er með marga góða leikmenn í sínum röðum. Ég veit það ekki, við sjáum til.“
